já það er nú ekki á hverjum degi sem maður lendir í því sem ég lenti í í gær.  Ég var að vinna í tölvunni í gær og með kveikt á öllum samskiptaforritum mínum.  Svo biður maður að nafni "David Thor" mig um að accepta sig á Skype.  Yfirleitt tala ég ekki við eitthvað fólk úti í heimi en ákvað að láta slag standa í þetta sinn.  Síðan var þetta líka svo íslenskulegt nafn að ég var pínu forvitin. 

En allavega, hann fer að spyrja mig hvaðan ég sé frá Íslandi og segir mér að hann hafið fæðst hérna en búið erlendis frá því hann var barn og búi núna í London.  Ég segi honum að ég sé frá Selfossi og þá segist hann koma frá þeim slóðum.  Farið að verða interesting...

Hann segist svo koma frá stað sem heitir "Bodmodstodum" en ég er einmitt frá stað sem heitir "Böðmóðsstaðir", þarna byrja ég að verða frekar tortryggin um að einhver sé að "fokka" í Lillu littlu, bróðir minn væri til dæmis mjög líklegur til þess..

Ég spyr hann þá hvað ættingjar hans heiti sem búi þar og hann nefnir nafn frænku minnar, ömmu minnar og langömmu minnar sem hann segir vera langömmu sína!

Nú ég trúði þessu bara ekki og ákvað að spyrja hann aðeins meira út í þetta.  Hann sagði mér nafn ömmu sinnar, og nafn mömmu sinnar.  Þetta passaði allt!

Þessi maður David Thor eða Davíð þór eins og hann var skírður er náfrændi minn, Hann ólst fyrstu ár ævi sinnar heima hjá ömmu minni og afa, kallaði ömmu mína "mömmu" og mömmu mína "mömmu litlu". 

Mamma mín og mamma hans eru systkinabörn, sem gerir okkur þremenninga.  Og það sem meira er þá lítur hann á ömmu mína sem móður sína og álítur hana vera bestu og yndislegustu mannsekju á jörðu, og það er hún svo sannarlega, og ég skírð í höfuðið á henni..   heppin....

já ekki var þetta nú leiðinlegt

En ég kveð að sinni búin að græða frænda í london, sem er ekki verra..

Lilja Böðmóðsstaðastúlka

fyrir þá sem vilja eignast fullkomna reiknivél inni á tölvunni sinni. 

Eitt það sniðugasta forrit sem ég hef séð lengi, og hef ég nú séð þau mörg!

http://www.allersoft.com/allercalc.htm

kv,

Lilla

söng Labbi í glóru einu sinni og ég er ekki frá því að það sé rétt hjá honum.

Sem sagt þú átt fullt af vonum sem þú leikur þér með og það er það sem lífið er.

Annars er þetta hér fyrir neðan eitt það fyndnasta sem ég hef lesið um ævina og þakka ég Baggalút kærlega fyrir.  fleiri svona skemmtilegar fréttir að finna á Baggalút.

Jæja þá eru áramótunum aflokið og er aðeins eitt sem ég get sagt um flugeldagleði á höfuðborgarsvæðinu; OH MY GOD!!

Það var skal ég ykkur segja rosalegt að sjá þetta, ótrúlegt að geta fylgst með flugeldum á áramótunum í 7 bæjarfélögum. magnað alveg hreint.

En nú er árinu 2004 lokið sem hefur verið ár umskipta og breytinga hjá mér og finnst mér ég koma bara nokkuð vel út úr þessu öllu saman, samt fegin að þessu ári er lokið nú get ég bara lokað það ofan skúffu með öllum hinum árunum og farið að einbeita mér að 2005 og er það vel.

svo vil ég benda áhugasömum á það að Lára frænka er nú komin með síðu hér á blog.central.is og er tengill á síðuna hennar hér vinstra megin á síðunni minni undir :vinir

jæja nú er pistlagerð minni lokið í bili og bið ég að heilsa

kveðja

Lilja Björg Hurðarbaks

Í gær fór ég á selfoss og hitti mínar yndislegu æskuvinkonur.  Þessi stund okkar saman var dásamleg to say the least.  Hvað jafnast á við góðan mat, sígó og samræður um málefni hvunndagsins? 

Í kvöld verður haldið til í sölunum og er eftirvæntingin mikil þar sem þetta er í fysta sinn sem ég eyði áramótum á höfuðborgarsvæðinu og það uppi á 9. hæð.  Þetta verður stuð. 

Vil ég síðan óska öllum mínum vinum gleðilegs nýs árs og megið þig hafa það sem best um áramótin og þar fram eftir götunum.

kv,

Lilja Björg Gunnarsdóttir

Hann Darri minn er kominn á "kúk og piss" aldurinn eins og hann er svo skemmtilega kallaður.

Þetta merki ég helst á því að hann er með orðið "prump" á heilanum

Hér er ein skemmtileg saga af því hvernig prump æðið kemur fram.

Ég og Tinna systa vorum að spila okkar uppáhaldsspil Trivial Pursuit (gefið út 1986) og Darri vildi auðvitað fá að vera með.  Hann tekur eitt spjald úr kassanum og spyr; "Hvað er prump?"   ég spring náttla úr hlátri en reyni svo að svara honum með því að prump sé gas sem myndast í meltingarveginum.  Fæ ekki upp úr honum hvort það sé rétt.   Því næst spyr hann "Hvað rímar við prump?" ég er fljót að svara "Gump!" (sem er einmitt rass)    En þá segir hann "nei, það er ekki rétt"

HAHAHAHAHAHA  bara fyndið barn......   prumpubarn....

Lilja Prump

Síðustu dagar hafa verið dásamlegir.  22. des var haldið á Selfoss með pakka handa fjölskyldunni.  Nýtti ferðina og fór í smá búðarráp og kom m.a. við í Mjólkurbúðinni, sem er snilldar búð skal ég segja ykkur.  Þessi búð er staðsett við hliðina á mjólkurbúinu og er búin að vera þarna síðan í fyrndinni næstum því.  En aðal snilldin við þessa búð er sú að þar búa afgreiðsludömurnar til sína eigin osta og sóður sem þú færð hvergi annarsstaðar.  Ég mæli með mjólkurbúðinni ef ykkur langar til þess að kaupa eitthvað nýtt og skemmtilegt.   Þennan dag var einnig etin pizza að heimili stófrænku minnar henni láru minni.

23. des þá var þrifið fyrrpart dags og darri skreitti jólatréð, hann kemur með nýja strauma í jólatrésskreytingum drengurinn  Þurfti að redda aðaljólagjöfinni á síðustu stundu, en það reddaðist sem betur fer, hefði ekki fyrirgefið mér ef það hefði ekki reddast.  Síðan var étið steikt slátur í kvöldmatnum, hræðilega sveitó, ég veit...

Um kvöldið fórum við tinna svo í kringluna að finna jólakjól handa henni, það er nú ekki á hverju ári sem maður er kasóléttur á jólunum.  Hún fann sér æðislega sætan kjól og var svo mikil dúlla í honum að ég bara dó!  myndir væntanlegar.

Aðfangadagur byrjaði rólega, þurfti reyndar að rífa mig fram úr og út í smáralind þar sem ég átti eftir að kaupa eina jólagjöf og svo vantaði meiri mjólk þar sem ólétta konan drekkur í kring um 2 lítra af mjólk á dag!  Þetta gekk vel og var ég komin aftur heim eftir 45 mínútur.  Fór síðan í heimsókn með jólagjöfina sem keypt var um morguninn seinna um daginn og tók daddsus með, hann var orðinn frekar spenntur yfir jólunum þessi elska.  Fórum svo heim og beint í jólafötin og snæddum jólamatinn og svo var drifið sig í pakkaflóðið.  Ég fékk fullt af glingri þar má helst nefna nærbuxur frá láru, ekta bómulla-ömmu-nærbuxur sem ná upp undir brjóst og svo bók sem ég hlakka mjög til að lesa, titill verður látinn liggja á milli hluta.

En hápunktur jólanna var jólagjöf mín til Tinnu, ég gaf henni bókina "íslenski hesturinn" og var hún svo hrærð við þetta að hún táraðist, já betra er að gefa en þiggja.

Darri minn fékk margt og mikið, sjónvarp, playstation 2 tölvu má þar helst nefna.  Hann er svo yndislegur drengurinn að þegar ég spuði hann hver uppáhaldsgjöfin væri þá svaraði hann "bara allar uppáhalds"  svo sætt og þakklátt eitthvað.

Jóladagur var snilld, lá í leti allan daginn í nýju nærbuxunum mínum, át og spilaði tölvuleik.  Ég er ótrúlega glöð yfir því að það sé ekki til siðs í minni fjölskylduað halda jólaboð á jóladag.  Annan í jólum var farið á selfoss til ömmu og afa og fjólu frænku.  Síðan komið við hjá þeim mætu feðgum Labba og Bassa áður en haldið var til Rvk.

Já þessi jól voru góð, eytt í faðmi fjölskyldunnar og sonur minn hefði ekki getað verið yndislegri um jólin. 

GLEÐILEG JÓL ALLES!!

Til hamingju!!

Ég hef unnið ÖRBYLGJUOFN!!!!

Pottasleikir: færði Darra plastleikfangakall.  Karlinn er iðnaðarmaður, með hvítan hjálm og í aðsniðnum iðnaðarmannafötum.  Hann er að garga í framan þannig það er greinilega mikið um að vera á iðnaðarsvæðinu.  Meðfylgjandi voru; exi, haki, sleggja, bor, hamar, skrúfjárn og verkfærataska.  Greinilega mikið stuð að vera iðnaðarmaður.

Ekkert var leikið með slímhöndina í gær, var hálf fegin en þetta leiðir hins vegar líka af sér að hún mun endast lengur.  Vonandi er hún bara gleymd.

Lih-yah

Þvöruleikir: Gaf Daddsusi matchboxbíl og jólastimpil með nammi í.  Ekkert merkilegt að segja um bílinn en ofan á stimplinum er mörgæs en þegar þú simplar þá kemur mynd af jólabelju.  Nú spyr ég, af hverju er ekki haft eitthvað samræmi í þessu.  Geta þeir ekki haft stimpil af mörgæs ef það er mörgæs á stimplinum og belju á beljustimpli??!!

Slímhöndin bilaði í gær, þ.e. handfangið datt af.  Gat samt lagað það en það er stutt í að hún verði ónýt.    JESS....!

Lilja Leppalúðadóttir

Darri fékk þetta í skóinn:

Stúfur: Plastgormur, (gormur sem þú leikur þér að með því að láta hann falla niður stiga eða niður af borði eða stól eða bara kasta honum upp í loft)

Verð að segja að ég er mun ánægðari með Stúf en Giljagaur þar sem ekki er hægt að slengja gorminum í rassinn á manni.  Vona að slímhöndin fari að skemmast.

kv,

Jólalilla

Jæja hún tinna mín komst ekki áfram... Grát grát

En ég trúi á örlög og það er bara greinilgt að hennar tími kemur seinna, vega þess að hún rokkar!!

Annars er allt ljómandi að frétta, helgin var stórbrotin, fór á Selfoss og í Grímsnesið og það á einum degi! Rosalega gott fyrir svona sunnlending eins og mig að komast austur fyrir fjall, hleður batteríin vel og lengi.

Darri hefur fengið þetta í skóinn hingað til:

Stekkjastaur: Lord of the rings dót. (brjóstmynd af Aragog, eitthvað til að setja á blýant)

Giljagaur: Slímhendi. Græn slímug hönd sem maður slengir í nærstadda hluti og fólk og það festist.

Algjörir jólasveinar þessir jólasveinar.

Frænkusystir mín var á Geysi um helgina og það var víst bara Geysilega gaman hjá henni.

Veriðið hress og ekkert bless....

Lilja Charsville

Já komiði sæl...

Nú er komið að því að hún Tinnfríður taki einsöng með undirleik í sjónvarpinu.  Mun það eiga sér stað í þættinum Idol-Stjörnuleit sem er á dagskrá Stöðvar 2 kl. 20.30 að staðartíma.

Ég hvet alla til þess að gefa sér tíma í að hlíða á hana, þar sem hér er á ferðinni stórbrotin söngkona með framtíðina fyrir sér.

og kjósið hana svo

Annars er dagskrá helgarinnar svohljóðandi:

Föstudagur:

17.00: Taka til

19.00: Matur hjá mömmu þar sem heiðursgestir eru Mummi afi og Lilja amma.  Það verður kjúklingur með tælensku ívafi á borðum

20.30: haldið verður í höfuðstöðvar Stöðvar 2 þar sem horft verður á Idolið

Þegar því er lokið er dagskrá óviss, langar á djamm en djamm er skamm þannig að ég er á báðum áttum.

Laugardagur:

13.00: Fara til Möggu og fá Brauðréttabók Hagkaupa lánaða.  Í kjölfar þess verður réttur ákveðinn sem ég ætla að framreiða í afmæli systur minnar daginn eftir

14.00-15.00:Versla hráefni í brauðrétt.

15.30: Pakka niður fyrir mig og son

16.00: Keyra austur fyrir fjall

16.30: Fara með Daddsus til langömmu sinnar hennar Boggu á Flúðum þar sem hann gistir um nóttina.  Sambandið á milli þeirra tveggja er eitt það fallegasta í heiminum

17.00: För um Suðurlandsundirlendi verður haldi áfram, ferðinni heitið í Grímsnesið þar sem nóttinni verður eytt í einu af sumarhúsunum sem þar eru.

Sunnudagur:

12.00: aka aftur til RVK

13.00: Kíkja í Kolaportið

14.00: Búa til brauðrétt

15.00: Afmælið hennar TINNU!!!!  fullt af gestum og fullt af stuði

19.00: Frjáls tími

Allt að gerast...   og vona að þið öll eigið eins ánægjulega helgi og mín á eftir að vera

Kveðja

Lilla Lipurtá

1. Bíll

2. Peningar í miklum mæli

3. Íbúð

4. Farseðlar til Danmerkur

5. Tekíla í miklum mæli

6. Farseð,lar til Sólarlanda

7. Fataúttekt í Kringlunni

                                                  Þá er þetta Ball búið.....

                   Þetta var ekki neitt BALL!!

Lilja í Lamasessi

Er á gjörgæslu.

Sauðurinn ég var að fara heim úr vinnu í gær, veður var vont, rok og rigning, ,mikið myrkur og móða á gluggum. 

Ég er að beygja af háaleytisbraut út á bústaðaveg og sá ekki bíl sem var að fara þvert yfir götuna með þeim afleiðingum að ég ók í veg fyrir hann.  Klessti bíllinn inn í framhliðina á bílnum mínum, það varð að panta kranabíl og læti til þess að ná í bílinn, hann er óökufær og ég er bíllaus og á víst ekki rétt á bílaleigubíl.

Síðan þurfti ég að fá mömmu til þess að ná í Drenginn og ná svo í mig og til þess að kóróna þennan bráðskemmtilega klukkutíma þá varð sonur minn bílveikur og gubbaði á miðri leið heim....    sem sagt ekki minn dagur

Annars kom mjög athyglisverð kona hingað í deildina áðan.  Talaði fyrs við stelpu sem er nýbyrjuð og ekki farin að afgreiða.  Hún vísaði konunni að tala við mig en konan sagði: "NEI!, ég vil ekki tala við hana ég vil tala við þig!" þá vísaði hún henni á aðra konu hérna og konan fór til hennar, ritaði eitthvað bull niður á blað, sem samstarfskona mín skildi ekki, spurði hana hvað það ynnu margar á hæðinni og stóð svo upp tuðandi um það að hvað við værum vitlaus af því enginn skildi hana.   Svo fór hún til annarrar konu sem vinnur hérna talaði aðeins við hana og fór svo að kalla:"KONU SEM FORSÆTISRÁÐHERRA, KONU SEM FORSÆTISRÁÐHERRA!!" og labbaði svo út..

svaðalegt sko

Gott að ég fór ekki verr samt, hjúkket sjúkket maður!

Lilja Bílaböðull

Hér er svo partur úr lagatexta til heiðurs bílnum mínum

Bíllinn minn og ég  ---  Skriðjöklar 1993

(bíllinn minn er einmitt árg. "93)

Búmm saka búmm, búmm, búmm,

elsku bíllinn minn blái.

Búmm saka búmm, búmm, búmm,

þó brotnar legur þig hrjái.

Kominn að niðurlotum,

já, þú kemst þetta af vana.

Gírkassinn er í brotum, 

já, þú ert dreginn af krana.